కాంగోలో ఎబోలా వైరస్: 88 మరణాలు, WHO గ్లోబల్ హెల్త్ ఎమర్జెన్సీ ప్రకటన

కాంగోలో ఎబోలా వైరస్ వ్యాప్తి తీవ్రమైంది. ఇప్పటివరకు 88 మంది మరణించారు. మరో 300 మంది వైరస్ బారిన పడ్డారు.

ఈ పరిణామాలను దృష్టిలో పెట్టుకొని ప్రపంచ ఆరోగ్య సంస్థ (WHO) గ్లోబల్ హెల్త్ ఎమర్జెన్సీ ప్రకటించింది. ప్రపంచ దేశాలకు తక్షణ ముప్పు లేకపోయినా, కాంగో పొరుగు దేశాల్లో వేగంగా వ్యాపించే ప్రమాదం ఉందని WHO హెచ్చరించింది. ఇతర దేశాల్లో ఇప్పటికే కొన్ని కేసులు నమోదయ్యాయని తెలిపింది.

1976లో కాంగోలో ఎబోలాను తొలిసారి గుర్తించిన నాటి నుంచి ఇది 17వ సారి వ్యాప్తి చెందుతోంది. పాజిటివిటీ రేటు పెరగడం ఆందోళనకరంగా మారిందని WHO పేర్కొంది.

ఈ వైరస్‌కు ప్రత్యేకంగా అనుమతి పొందిన చికిత్సలు లేదా vaccine లేకపోవడం వల్ల దాన్ని అరికట్టడం కష్టంగా ఉందని WHO తెలిపింది. సరిహద్దుల వెంబడి screening చేపట్టాలని అన్ని దేశాలను కోరింది. అదే సమయంలో సరిహద్దులు మూసివేయవద్దని, ప్రయాణ ఆంక్షలు విధించవద్దని సూచించింది.

వైరస్ లక్షణాలు ఉన్న వారు ఇతర దేశాలకు వెళ్లవద్దని WHO స్పష్టం చేసింది. వ్యాధి నిర్ధారణ అయిన వారిని వెంటనే quarantine చేయాలని, వారితో సంపర్కం ఉన్న వారికి వైద్య పరీక్షలు నిర్వహించాలని కాంగో ప్రభుత్వానికి సూచించింది.

వైద్య నిపుణులు ఎబోలా వైరస్ ప్రధానంగా ఆఫ్రికా ఖండంలోని కొన్ని దేశాలకు పరిమితమైన వైరస్ అని తెలిపారు. వృద్ధులు, పసిపిల్లలు, గర్భిణులు, దీర్ఘకాలిక వ్యాధులు ఉన్న వారికి ప్రమాదం ఎక్కువగా ఉంటుందని చెప్పారు. Symptomatic treatment ద్వారా చాలా మందిని కాపాడవచ్చని పేర్కొన్నారు.