ధాన్యం కొనుగోళ్లపై BJP కి మాట్లాడే హక్కు లేదు: కాంగ్రెస్ నేత ఆది శ్రీనివాస్

తెలంగాణ ప్రభుత్వ విప్ ఆది శ్రీనివాస్ ధాన్యం కొనుగోళ్లపై BJP కి మాట్లాడే హక్కు లేదని పేర్కొన్నారు. రాష్ట్రంలో కోటి టన్నులకు పైగా ధాన్యం దిగుబడి వస్తే కేంద్రం కేవలం 52 లక్షల మెట్రిక్ టన్నులే కొంటామని చెప్పిందని ఆది శ్రీనివాస్ తెలిపారు. అయినప్పటికీ రాష్ట్ర ప్రభుత్వం మొత్తం ధాన్యాన్ని సేకరిస్తోందని, మిగతా 70 లక్షల టన్నుల ధాన్యాన్ని రాష్ట్రం సొంత ఖర్చుతో కొంటోందని చెప్పారు. రైతులను అడ్డుపెట్టుకొని BJP, BRS నాయకులు రాజకీయ ప్రయోజనాలకు వాడుకుంటున్నారని ఆయన ఆరోపించారు.

NEET పేపర్ లీక్ వివాదం ముగియకముందే CBSE 12వ తరగతి పరీక్షా ఫలితాల్లో గందరగోళం ఏర్పడిందని పెద్దపల్లి MP గడ్డం వంశీకృష్ణ పేర్కొన్నారు. NEET స్కామ్ వల్ల లక్షలాది విద్యార్థుల జీవితాలు దెబ్బతిన్నాయని చెప్పారు. కేంద్ర విద్యాశాఖ మంత్రి ధర్మేంద్ర ప్రధాన్ వెంటనే రాజీనామా చేయాలని వంశీకృష్ణ డిమాండ్ చేశారు.

సంగారెడ్డిలో కాంగ్రెస్ సీనియర్ నేత జగ్గారెడ్డి 70 మంది పిల్లలకు సైకిళ్లు అందజేశారు. పేరు నమోదు చేసుకున్న మరో 156 మంది పిల్లలకు వచ్చే ఆదివారం సైకిళ్లు ఇస్తామని జగ్గారెడ్డి తెలిపారు. ఇప్పటివరకు 400 మందికి సైకిళ్లు అందజేసినట్లు చెప్పారు. తమ కార్యాలయంలో Aadhaar కార్డు జిరాక్స్ అందించి పేరు నమోదు చేసుకున్న వారికి విడతలవారిగా సైకిళ్లు ఇస్తామని ఆయన పేర్కొన్నారు.