అమెరికా-ఇరాన్ శాంతి ఒప్పందం ప్రభావం: క్రూడ్ ఆయిల్ ధర 4% పతనం, మార్కెట్లు లాభాల్లో

అమెరికా-ఇరాన్ మధ్య శాంతి ఒప్పందం కుదిరే అవకాశాలు పెరగడంతో అంతర్జాతీయ మార్కెట్లో బ్రెంట్ క్రూడ్ ఆయిల్ ధర 4% పైగా పతనమైంది. బ్రెంట్ క్రూడ్ ప్రతి బ్యారెల్ 84 డాలర్లకు చేరింది. ఇప్పటికీ రెండు దేశాల మధ్య అధికారికంగా ఒప్పందంపై సంతకాలు జరగాల్సి ఉన్నాయి, అయినా మార్కెట్లు సానుకూలంగా స్పందించాయి.

మార్కెట్ విశ్లేషకుడు క్రాంతి పత్తిని మాట్లాడుతూ, "ఒప్పందం ఖరారైతే క్రూడ్ ధరలు తగ్గి 80 డాలర్ల లోపుకు రావచ్చు. ఇంకా 70 డాలర్ల వరకు దిగివస్తే భారత ఆర్థిక వ్యవస్థకు గట్టి ఊరట లభిస్తుంది. ద్రవ్యోల్బణం, కరెంట్ అకౌంట్ లోటు తగ్గుతాయి" అని అంచనా వేశారు.

ఆసియా మార్కెట్లు భారీ లాభాలతో ట్రేడవుతున్నాయి. జపాన్ నికాయ్ 5% పైగా లాభపడింది. భారత్లో గిఫ్ట్ నిఫ్టీ 350 పాయింట్లకు పైగా లాభంలో ఉంది, నిఫ్టీ 1% లాభంతో ప్రారంభమయ్యే అవకాశం ఉందని విశ్లేషకులు తెలిపారు.

బంగారం, వెండి ధరలు ఆరు నెలల కనిష్టానికి చేరాయి. దీర్ఘకాలంలో ఇన్వెస్ట్ చేసేవారికి ఇది మంచి అవకాశమని క్రాంతి పత్తిని సూచించారు. అయితే, ఫైనల్ ఒప్పందం జరిగితేనే ఈ సానుకూలత కొనసాగుతుంది.