డైట్ అనగానే అన్నం మానేయడం సరైన పద్ధతి కాదు: న్యూట్రిషనిస్ట్ సలహా

డైట్ పేరుతో చాలామంది అన్నం, కార్బోహైడ్రేట్లు పూర్తిగా మానేసి చికెన్ సలాడ్లు వంటి తక్కువ కేలరీల ఆహారమే తీసుకుంటున్నారు. కానీ ఇది దీర్ఘకాలంలో స్థిరంగా ఉండదని న్యూట్రిషనిస్టులు హెచ్చరిస్తున్నారు.

ఒక న్యూట్రిషనిస్ట్ తన అనుభవాన్ని పంచుకుంటూ, చాలా మంది క్లయింట్లు ఎలైట్ డైట్ వంటి కమర్షియల్ డైట్లను ఫాలో అవుతూ అన్నం పూర్తిగా వదిలేస్తున్నారని చెప్పారు. కానీ ఒకటి రెండు నెలల తర్వాత మళ్లీ మామూలు ఆహారం తీసుకోవాల్సి వస్తుంది. అప్పుడు శరీరం ఒక్కసారిగా బరువు పెరిగే ప్రమాదం ఉందని ఆమె వివరించారు.

బరువు తగ్గడం, పెరగడం, పీసీఓఎస్, ఐబీఎస్ వంటి సమస్యలు ఉన్నవారికి స్థిరమైన, సమతుల ఆహారం తీసుకోవడమే ఉత్తమ మార్గమని సూచించారు. ఏదైనా డైట్ మొదలుపెట్టే ముందు నిపుణుల సలహా తీసుకోవడం అవసరమని ఆమె నొక్కి చెప్పారు.