అర్నబ్ తుఫాను: 32 వేల మంది అధికారులతో సహాయ చర్యలు, సమీక్ష చేసిన CM చంద్రబాబు

అర్నబ్ తుఫాను నేపథ్యంలో ఆంధ్రప్రదేశ్ ప్రభుత్వం 32 వేల మంది అధికారులను సహాయ చర్యల్లో పాల్గొనేలా ఏర్పాటు చేసింది. ఈ చర్యలను ముఖ్యమంత్రి చంద్రబాబు నాయుడు సమీక్షించారు.

కలెక్టర్లు, వివిధ శాఖల ఉన్నతాధికారులతో ఆయన ప్రత్యేక సమావేశం నిర్వహించారు. రహదారులపై కూలిన చెట్లను రెండు గంటల్లోగా తొలగించాలని ఆదేశించారు. దీంతో రోడ్డు రాకపోకలు పునరుద్ధరించాలని చెప్పారు. ఈదురుగాలులు తగ్గిన వెంటనే విద్యుత్ సరఫరా పునరుద్ధరించాలని సూచించారు.

చెట్ల తొలగింపు, విద్యుత్ మరమ్మతులు, పంట నష్టం అంచనాలపై అన్ని శాఖలు సమన్వయంతో పని చేయాలని ఆదేశించారు. సహాయక శిబిరాల్లో అన్నపానీయాలు, వైద్య సదుపాయాల కొరత ఉండకూడదని స్పష్టం చేశారు. చెరువులు, కాల్వలకు గండ్లు పడకుండా పటిష్ట చర్యలు తీసుకోవాలని చెప్పారు.

ముందు జాగ్రత్తల వల్లే ప్రాణనష్టం జరగలేదని ముఖ్యమంత్రి తెలిపారు. ప్రజల భద్రతపై భరోసా కల్పించాలని, ఆస్తి నష్టాన్ని వీలైనంత తగ్గించాలని అధికారులను ఆదేశించారు. తుఫానుపై రాష్ట్ర ప్రభుత్వం తీసుకుంటున్న చర్యలను కేంద్రానికి వివరించాలని కూడా ఆయన ఆదేశించారు. సాధారణ పరిస్థితులు నెలకొనే వరకు ఇదే స్ఫూర్తితో పని చేయాలని చంద్రబాబు అధికారులకు సూచించారు.