దమ్మాయిగూడా శ్రీ చైతన్య స్కూల్లో విద్యార్థిపై తోటి విద్యార్థులు దాడి: ఘటన దాచిపెట్టిందంటూ తల్లిదండ్రుల ఫిర్యాదు

మేడ్చెల్ మల్కాజిగిరి జిల్లా దమ్మాయిగూడాలోని శ్రీ చైతన్య స్కూల్లో 10వ తరగతి విద్యార్థి అభిషేక్ పై తోటి విద్యార్థులు దాడి చేసిన ఘటన వెలుగులోకి వచ్చింది. ఈ దాడిలో అతనికి తీవ్ర గాయాలయ్యాయి.

విద్యార్థి అభిషేక్ జవహర్ నగర్ పోలీస్ స్టేషన్లో ఇచ్చిన ఫిర్యాదు ప్రకారం, హాస్టల్లో రాత్రి సమయంలో సీనియర్ విద్యార్థులు కర్రలు, ప్లేట్లతో కొట్టి, బూట్లతో ముఖంపై తొక్కారని తెలిపాడు. ఇది ర్యాగింగ్ పేరుతో జరిగిన దాడిగా అభిషేక్ తన తల్లిదండ్రులకు చెప్పాడు.

స్కూల్ యాజమాన్యం మాత్రం తమ కుమారుడు మెట్లపై నుంచి పడిపోయాడని ఫోన్ చేసి చెప్పిందని తల్లిదండ్రులు తెలిపారు. కానీ, బాలుడి పరిస్థితి విషమంగా ఉండటంతో వెంటనే ఆసుపత్రికి తరలించి చికిత్స అందిస్తున్నారు.

నిజం తెలుసుకున్న తల్లిదండ్రులు పోలీసులకు ఫిర్యాదు చేశారు. దాడి చేసిన విద్యార్థులతో పాటు ఘటనను దాచిపెట్టిన స్కూల్ యాజమాన్యంపై కఠిన చర్యలు తీసుకోవాలని డిమాండ్ చేశారు. పోలీసులు ఫిర్యాదు స్వీకరించి దర్యాప్తు ప్రారంభించారు.