హైదరాబాద్ హిమాయత్ నగర్‌లో ఎమ్మెల్యే దానం నాగేందర్ చేతుల మీదుగా ఇందిరమ్మ చీరల పంపిణీ

హైదరాబాద్‌లోని హిమాయత్ నగర్‌లో ఎమ్మెల్యే దానం నాగేందర్ ఆధ్వర్యంలో ఇందిరమ్మ మహిళా శక్తి చీరల పంపిణీ కార్యక్రమం నిర్వహించారు. ఈ సందర్భంగా ఆయన మాట్లాడుతూ ప్రభుత్వం అర్హులకు ఉచితంగా సంక్షేమ పథకాలు అందిస్తోందని తెలిపారు.

మహిళా స్వయం సహాయక సంఘాలకు ఎలక్ట్రిక్ బస్సులు, రైస్ గోదాములు, పెట్రోల్ పంపులు ఇస్తామని, వీటి కోసం దరఖాస్తు చేసుకోవాలని ఆయన కోరారు. దరఖాస్తు చేసుకుంటే మహిళలకు అవకాశం ఉన్నచోట ఇవి కేటాయిస్తామని చెప్పారు.

ఇళ్లు లేని పేద కుటుంబాలకు ఇందిరమ్మ ఇళ్లను కూడా ఉచితంగా అందిస్తామని నాగేందర్ ప్రకటించారు. ఎవరైనా ఈ పథకాల కోసం డబ్బులు డిమాండ్ చేస్తే చెప్పుతో కొట్టాలని ఆయన సూచించారు. అలాగే, స్థానికంగా ఎవరైనా నాయకులు డబ్బులు అడిగితే తన దృష్టికి తీసుకురావాలని విజ్ఞప్తి చేశారు.