డీవానా సినిమాలో తెలుగు చూడని పాయింట్: స్పాయిలర్ దాచిన దర్శకుడు శ్రీకాంత్

జూన్ 19న విడుదల కానున్న ‘డీవానా’ చిత్ర బృందం ఒక క్యూ అండ్ ఏ సెషన్‌లో పాల్గొన్నారు. దర్శకుడు శ్రీకాంత్ సంగిశెట్టి, హీరో హర్షిత్ రెడ్డి, హీరోయిన్ స్నేహ, నిర్మాతలు వాసుదేవ్, శ్రీదేవి, సంగీత దర్శకుడు ఈశ్వర్ ఈ సెషన్ లో చిత్ర ప్రత్యేకతలను వివరించారు.

ఈ సినిమాలో తెలుగు సినిమా ఇప్పటివరకు చూడని ఒక కీలకమైన పాయింట్ ఉందని దర్శకుడు చెప్పారు. అయితే థియేటర్ అనుభవాన్ని కాపాడేందుకు ఆ పాయింట్ ను స్పాయిల్ చేయడం లేదని, ఇది పూర్తిగా కొత్తరకం వన్ సైడ్ లవ్ స్టోరీ అని తెలిపారు. హీరో పాత్ర సికింద్రాబాద్‌లో పెరిగిన మున్నా అనే యువకుడు. అతని సరదా పోలికలతో రాసిన ‘తెల్లబోరి’ పాట ఇన్‌స్టాగ్రామ్‌లో 6 లక్షల షేర్లతో వైరల్ అయింది.

నిర్మాతలు సంగీతానికి ప్రాధాన్యత ఇచ్చారు. మొదట అనుకున్న దానికంటే మూడు రెట్లు ఎక్కువ మ్యూజిక్ బడ్జెట్ పెట్టారు. చెన్నైలో పెద్ద ఆర్కెస్ట్రాతో రికార్డింగ్ చేయించి కార్తీక్ వంటి గాయకులతో పాటలు పాడించారు. సినిమా మల్టీ జానర్ మ్యూజికల్ లవ్‌స్టోరీ అని, ప్రతి పాట ఒక ప్రత్యేక జానర్‌లో ఉంటుందని ఈశ్వర్ తెలిపారు.

సినిమా కంటెంట్‌పై మాకు పూర్తి నమ్మకం ఉందని చిత్ర బృందం చెప్పింది. ఇప్పటికే ప్రివ్యూలతో కంటెంట్ టెస్ట్ పాసయ్యామని, ప్రేక్షకులకు చేరువ కావడమే లక్ష్యమని చెప్పారు. అదే రోజు సమంత సినిమాతో పాటు మరికొన్ని చిత్రాలు వస్తున్నాయి. కానీ తమ జానర్ పూర్తిగా భిన్నంగా ఉండటంతో పోటీ ఉండదని, యూత్ నుంచి ఫ్యామిలీ వరకు ఆకట్టుకుంటుందని దర్శకుడు వివరించారు. ముఖ్యంగా 18 నుంచి 35 ఏళ్ల వయసు వారిని టార్గెట్ చేసినట్టు చెప్పారు.

హీరోయిన్ స్నేహకు ఇది తొలి తెలుగు సినిమా. చాలా సంతోషంగా, నర్వస్ గా ఉన్నానని ఆమె చెప్పారు. త్వరలో థియేటర్ల లిస్ట్ ఖరారు చేస్తామని నిర్మాతలు తెలిపారు.