దిల్లీ నరేలాలో దీపావళి టపాసు పేలుడు.. 10 ఏళ్ల బాలుడు మృతి

దిల్లీలోని నరేలా ప్రాంతంలో దీపావళి సందర్భంగా జరిగిన టపాసు పేలుడులో 10 ఏళ్ల బాలుడు మృతి చెందాడు. రాజీవ్ కాలనీలో ఈ ఘటన చోటుచేసుకుంది.

మృతుడి పేరు ఋషి. అతను రెండో తరగతి చదువుతున్నాడు. కాలనీలో చిన్న చిన్న టపాసులు పేలుతున్న సమయంలో ఒక అనార్ టపాసు బాలుడి వైపు వచ్చి ఛాతీని బలంగా తాకింది. దీంతో అతను తీవ్రంగా గాయపడ్డాడు.

బాలుడిని వెంటనే ఆస్పత్రికి తరలించారు. అయితే సరైన సమయంలో తగిన చికిత్స అందించలేదని కుటుంబ సభ్యులు ఆరోపిస్తున్నారు. ఎమర్జెన్సీలో సరైన చికిత్స ఇచ్చి ఉంటే బాలుడిని కాపాడే అవకాశం ఉండేదని వారు చెప్తున్నారు.

పోలీసులు సరిగా స్పందించలేదని కూడా కుటుంబం ఆరోపిస్తోంది. ఈ ఘటనపై పోలీసులకు ఫిర్యాదు అందజేశారు.

నరేలా పోలీసులు కేసు నమోదు చేసి దర్యాప్తు చేపట్టారు. పోస్టుమార్టం నిర్వహించనున్నారు.