కేజ్రీవాల్తో సహా AAP నేతలకు ఢిల్లీ HC కోర్టు ధిక్కరణ నోటీసులు
ఢిల్లీ హైకోర్టు న్యాయమూర్తి జస్టిస్ స్వర్ణకాంత్ శర్మ, AAP చీఫ్ అరవింద్ కేజ్రీవాల్ మరియు ఇతర నేతలకు కోర్టు ధిక్కరణ నోటీసులు జారీ చేశారు. నాలుగు వారాల్లో సమాధానం ఇవ్వాలని ఆదేశించారు.
మద్యం కేసులో జస్టిస్ స్వర్ణకాంత్ శర్మ తప్పుకోవాలని కేజ్రీవాల్, మనీష్ సిసోడియా, దుర్గేష్ పాఠక్ పిటిషన్ దాఖలు చేశారు. ఆ పిటిషన్ను న్యాయమూర్తి తిరస్కరించారు. దానికి నిరసనగా AAP నేతలు కోర్టుకు హాజర్ కాబోమని, మహాత్మా గాంధీ సత్యాగ్రహ మార్గాన్ని అనుసరిస్తామని లేఖ రాశారు.
ఈ లేఖతో పాటు సోషల్ మీడియాలో AAP నేతలు చేసిన పోస్టులను జస్టిస్ స్వర్ణకాంత్ శర్మ తీవ్రంగా పరిగణించారు. మహిళా న్యాయమూర్తిని లక్ష్యంగా చేసుకొని దుష్ప్రచారం చేశారనే ఆరోపణతో కోర్టు ధిక్కరణ కేసు నమోదైంది.
మద్యం కేసు నేపథ్యంలో, ఫిబ్రవరి 27న దిగువ కోర్టు కేజ్రీవాల్, సిసోడియాతో సహా 21 మందిని నిర్దోషులుగా ప్రకటించింది. ఆ తీర్పును CBI ఢిల్లీ హైకోర్టులో సవాల్ చేసింది. ఆ పిటిషన్ నే జస్టిస్ స్వర్ణకాంత్ శర్మ విచారించాల్సి ఉంది.
తదుపరి విచారణ ఆగస్టు 4కు వాయిదా పడింది.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
