ఢిల్లీలో భారీ వర్షంతో రోడ్లు జలమయం; ప్రభుత్వం అప్రమత్త హెచ్చరిక

ఢిల్లీలో గత మూడు గంటలుగా ఉరుములు, మెరుపులతో కూడిన భారీ వర్షం కురుస్తోంది. దీంతో పలు ప్రాంతాల్లో రోడ్లు జలమయమయ్యాయి. ప్రధానంగా సెంట్రల్ ఢిల్లీలో పార్లమెంటుకు వెళ్లే మార్గాలు, న్యూఢిల్లీ రైల్వే స్టేషన్ సమీపంలో నీరు నిలిచింది. మింటో రోడ్డు బ్రిడ్జి కింద భారీగా నీరు చేరడంతో ఆ మార్గంలో ట్రాఫిక్ స్తంభించింది. లోతట్టు ప్రాంతాల్లో నీటి నిల్వలు ఉండటంతో ఢిల్లీ అంతటా ట్రాఫిక్ జామ్ అయింది.

ఈ నేపథ్యంలో ఢిల్లీ ప్రభుత్వం కీలక ఆదేశాలు జారీ చేసింది. సెంట్రల్ ఢిల్లీ, ఈస్ట్ ఢిల్లీ, నార్త్ ఢిల్లీలో బలహీనమైన భవనాలు ఉన్న ప్రాంతాల్లో ప్రజలు అప్రమత్తంగా ఉండాలని సూచించింది. అత్యవసరమైతే తప్ప ప్రజలు బయటకు రావద్దని ప్రకటించింది. వాతావరణ శాఖ సూచనల ప్రకారం ఈ వర్షం రోజంతా కొనసాగే అవకాశం ఉందని అధికారులు తెలిపారు. ప్రజలు అప్రమత్తంగా ఉండాలని కోరారు.