ఢిల్లీలో పోలీసులపై కాల్పులు: ఇద్దరు గ్యాంగ్‌స్టర్లు అరెస్ట్; ఒకరు మైనర్

ఢిల్లీలోని షాబాద్ డైరీ ప్రాంతంలో మంగళవారం రాత్రి పోలీసులను కాల్పులు జరిపిన ఇద్దరు గ్యాంగ్‌స్టర్లను అరెస్ట్ చేశారు. స్కూటర్‌పై వస్తున్న వారిని పోలీసులు వెంబడించగా, నిందితులు ఎదురుకాల్పులకు దిగారు.

పోలీసులు తిరిగి కాల్పులు జరపడంతో దాదాపు గంటపాటు ఆ ప్రాంతం బుల్లెట్ శబ్దాలతో మార్మోగింది. చివరకు ఇద్దరినీ అదుపులోకి తీసుకోగలిగారు.

అరెస్టయిన వారిలో ఒకరు మైనర్ అని తేలింది. ఈ ఇద్దరికీ గ్యాంగ్‌స్టర్ హిమాంశు భావు ముఠాతో సంబంధాలున్నట్లు విచారణలో తెలిసింది. హిమాంశు భావు ఆదేశాల మేరకే వీరు దాడులకు పథకం రచించారని పోలీసులు తెలిపారు.

ఢిల్లీలో ఇటీవల గ్యాంగ్ వార్లు మళ్లీ పెరుగుతున్న నేపథ్యంలో పోలీసులు నిఘా పెంచారు. ఈ ఘటనపై కేసు నమోదు చేసి దర్యాప్తు కొనసాగిస్తున్నామని అధికారులు తెలిపారు.