ఢిల్లీలో ట్రాన్స్‌జెండర్ వేషంలో ఉన్న ఇద్దరు బంగ్లాదేశీ అక్రమ వలసదారులను అదుపులోకి

ఢిల్లీ నార్త్-వెస్ట్ డిస్ట్రిక్ట్‌లోని మహీంద్రా పార్క్ ప్రాంతంలో భారతీయుల వేషంలో అక్రమంగా నివసిస్తున్న ఇద్దరు బంగ్లాదేశీ పౌరులను పోలీసులు అదుపులోకి తీసుకున్నారు. వీరిని తిరిగి బంగ్లాదేశ్‌కు పంపించే ప్రక్రియ ప్రారంభించారు.

నిందితులుగా మహ్మద్ రూహల్ అమీన్, మహ్మద్ జిబోన్ మియాన్‌లను గుర్తించారు. వీరి వద్ద నుంచి బంగ్లాదేశీ గుర్తింపు కార్డులు, పత్రాలు స్వాధీనం చేసుకున్నారు. అలాగే రెండు మొబైల్ ఫోన్లు కూడా లభించాయి. వాటిలో IMO యాప్ ద్వారా బంగ్లాదేశ్‌లోని బంధువులతో సంభాషణలు జరిపినట్లు పోలీసులు తేల్చారు.

వీరిలో మహ్మద్ రూహల్ అమీన్ ట్రాన్స్‌జెండర్ వేషంలో ఉండేవాడు. వీరి వద్ద మిర్చి పొడి కూడా లభ్యమైంది. దాన్ని ఎలా ఉపయోగించారన్న దానిపై విచారణ కొనసాగుతోంది.

ముఖ్యంగా రూహల్ అమీన్‌ను 2025 జూన్‌లోనే డిపోర్ట్ చేసినట్లు పోలీసులు తెలిపారు. కానీ అతడు తిరిగి అక్రమంగా భారత్‌లోకి ప్రవేశించాడు. 2026లో ఇప్పుడు రెండోసారి డిపోర్ట్ చేస్తున్నారు.

రూహల్ అమీన్, జిబోన్ మియాన్‌లు ఎక్కడ ఎలా నివసించారో, ఇంకా ఎంతమంది ఇలా అక్రమంగా ఉన్నారో తెలుసుకునేందుకు పోలీసులు దర్యాప్తు చేస్తున్నారు. మరింత మంది అక్రమ వలసదారులు ఉంటే వారిపై కూడా చర్యలు తీసుకుంటామని అధికారులు హెచ్చరించారు. ఈ కేసులో పోలీసులు ఫారినర్స్ చట్టం కింద కేసు నమోదు చేశారు.