ఢిల్లీ ఎర్రకోట కారు బాంబు కేసు: NIA 7,500 పేజీల చార్జిషీట్ దాఖలు

ఢిల్లీ ఎర్రకోట వద్ద జరిగిన కారు బాంబు పేలుడు కేసులో నేషనల్ ఇన్వెస్టిగేషన్ ఏజెన్సీ (NIA) 10 మంది నిందితులపై 7,500 పేజీల చార్జిషీట్ దాఖలు చేసింది.

నవంబర్ 10, 2025న ఎర్రకోట సమీపంలో కారులో బాంబు పేలుడు జరిగింది. ఈ ఘటనలో 11 మంది మృతి చెందగా, మరికొందరు తీవ్రంగా గాయపడ్డారు. ఈ కేసులో ఇప్పటి వరకు మొత్తం 11 మందిని అరెస్టు చేసినట్టు NIA తెలిపింది. పేలుడు ఘటనలో ప్రధాన నిందితుడిగా గుర్తించిన ఉమర్-ఉన్-నబీ మరణించాడని NIA పేర్కొంది.

చార్జిషీట్ దాఖలుకు ముందు NIA జమ్మూ కాశ్మీర్, హర్యానా, ఉత్తర్ ప్రదేశ్, మహారాష్ట్ర, గుజరాత్, ఢిల్లీలో సోదాలు నిర్వహించింది. ఈ క్రమంలో 588 మంది వాంగ్మూలాలు నమోదు చేసి, 395కు పైగా పత్రాలు, 200కు పైగా పరికరాలు స్వాధీనం చేసుకున్నట్టు చార్జిషీట్‌లో పేర్కొంది.

ఈ పేలుడుకు నిందితులు Al-Qaeda అనుబంధ సంస్థలతో సంబంధం కలిగి ఉన్నారని, 'Operation Heavenly Hind' పేరిట ఈ దాడి నిర్వహించారని NIA తన చార్జిషీట్‌లో పేర్కొంది. ఈ ముగింపులకు forensic మరియు technical ఆధారాలు బలం చేకూర్చినట్టు తెలిపింది. పలువురు వైద్య నిపుణులు కూడా నిందితుల జాబితాలో ఉన్నారని తెలుస్తోంది. పరారీలో ఉన్న నిందితుల కోసం అన్వేషణ కొనసాగుతోందని NIA తెలిపింది.