విజయవాడ కనకదుర్గమ్మ ఆలయానికి భక్తురాలు 141 గ్రాముల బంగారు హారం విరాళం

విజయవాడ ఇంద్రకీలాద్రిపై ఉన్న శ్రీ దుర్గా మల్లేశ్వర స్వామి ఆలయానికి ఓ భక్తురాలు విలువైన బంగారు ఆభరణాలను విరాళంగా సమర్పించారు. సీతారామపురానికి చెందిన తవ్వ పుల్లమ్మ అనే భక్తురాలు ఈ కానుక అందజేశారు.

ఆమె 141 గ్రాముల బరువున్న బంగారు రాధాకృష్ణ హారం, రాళ్లతో కూడిన బంగారు పూసల పేరు సమర్పించారు. ఈ ఆభరణాల అంచనా విలువ సుమారు ₹21 లక్షలు ఉంటుందని ఆలయ అధికారులు తెలిపారు.

ఆలయ చైర్మన్ బొర్ర రాధాకృష్ణ, ట్రస్ట్ బోర్డు సభ్యుడు రామబ్రహ్మం, సూపరింటెండెంట్ సత్యనారాయణ సమక్షంలో ఈ విరాళాన్ని అధికారికంగా అందజేశారు. అమ్మవారి ఉత్సవాల నిమిత్తం ఈ మొక్కుబడి చెల్లించినట్లు ఆలయ వర్గాలు తెలిపాయి.

ప్రత్యేక పూజల అనంతరం ఈ కానుకను అమ్మవారి అలంకరణకు ఉపయోగించనున్నారు.