ఎగుమతిదారులు దేశ ఆర్థిక వ్యవస్థకు వెన్నెముక: అడిషనల్ DGFT R Sampath Kumar

హైదరాబాద్‌లో నిర్వహించిన ఎగుమతిదారుల కార్యక్రమంలో అడిషనల్ DGFT R Sampath Kumar ప్రసంగించారు. ఎగుమతిదారులు దేశ ఆర్థిక వ్యవస్థకు వెన్నెముక అని ఆయన అన్నారు.

రైతులతో పాటు ఎగుమతిదారులు కూడా దేశానికి వెన్నెముక అని చెప్పారు. విదేశీ మారక ద్రవ్యం సంపాదనలో, ఉపాధి కల్పనలో వీరు కీలకమని తెలిపారు.

IT, ఫార్మా, పోర్టు సేవలు, మెరైన్ ఉత్పత్తుల్లో తెలుగు వారు అగ్రగాములుగా ఉన్నారని ఆయన అన్నారు. ఇంజనీరింగ్, ఏరోస్పేస్, మెడికల్ టూరిజంలోనూ భవిష్యత్తులో ముందుంటారని చెప్పారు.

హైదరాబాద్ మెడికల్ టూరిజం రంగానికి కేంద్రంగా మారుతుందని ఆయన అభిప్రాయపడ్డారు. కేంద్రం, తెలంగాణ, ఆంధ్రప్రదేశ్ ప్రభుత్వాలు కల్పించిన అవకాశాలను ఎగుమతిదారులు వినియోగించుకోవాలని సూచించారు.

ఎగుమతులు అంటే కేవలం వస్తువులు, సేవలు కాదని, దేశ ఇమేజ్‌ను విదేశాలకు తీసుకెళ్తున్నట్టేనని ఆయన వివరించారు. కాంట్రాక్టులను గౌరవించి నాణ్యత, పరిమాణం విషయంలో నిబద్ధత పాటించాలని చెప్పారు.