టికెట్ రేట్ల పెంపు, షేర్ విధానంపై నిర్మాత ధీరజ్ మొగిలినేని వివరణ

నిర్మాత ధీరజ్ మొగిలినేని టికెట్ రేట్ల పెంపు, థియేటర్ల షేర్ వ్యవస్థపై మాట్లాడారు. ఆంధ్రప్రదేశ్, తెలంగాణలో టికెట్ రేట్ల విధానాల మధ్య తేడాలను ఆయన వివరించారు.

ఏపీలో సింగిల్ స్క్రీన్లకు ₹100 నుంచి ₹145, మల్టీప్లెక్స్లకు ₹175 వరకు టికెట్ రేటు స్థిరంగా ఉందన్నారు. అక్కడ ₹5 పెంచడానికి కూడా అనుమతి లేదని, దీంతో మిడ్ రైన్ సినిమాలకు సైతం ₹50 వరకు హైక్ అవసరమని అభిప్రాయపడ్డారు.

తెలంగాణలో మాత్రం ఫ్లెక్సిబుల్ జీవో ఉండడంతో ₹100 నుంచి ₹300 వరకు రేట్లు పెట్టుకోవచ్చని, పెద్ద సినిమాలకు మినహా పెంపు అంతగా అవసరం లేదని ధీరజ్ తెలిపారు. తెలంగాణ ప్రభుత్వం సినిమా ఇండస్ట్రీకి స్నేహపూర్వకంగా ఉండటం వల్లే రేట్లు పెంచుతోందని ఆయన వివరించారు.

షేర్ వ్యవస్థ విషయంలో, మల్టీప్లెక్స్లు పెరిగిన రేట్లలో శాతం వాటా తీసుకుంటాయని, కానీ సింగిల్ స్క్రీన్లకు ఆ వాటా ఇవ్వరని ధీరజ్ చెప్పారు. ఇప్పుడు సింగిల్ స్క్రీన్లకు కూడా కొంత వాటా ఇవ్వాలని ప్రొడ్యూసర్లు నిర్ణయించారని, ఇటీవలి గిల్డ్ సమావేశంలో ఈ అంశం చర్చించినట్లు ఆయన తెలిపారు.