విజయ్ క్యాబినెట్‌పై డైరెక్టర్ అమీర్ విమర్శలు — కులాల వారీగా శాఖలు ఇచ్చారా?

తమిళనాడు CM విజయ్ క్యాబినెట్ కూర్పుపై తీవ్ర వివాదం నెలకొంది. 3 శాతం జనాభా ఉన్న ముస్లింలకు కేవలం ఒక మంత్రి పదవి ఇచ్చారని, 2 శాతం జనాభా ఉన్న బ్రాహ్మణులకు రెండు పదవులు ఇచ్చారని దర్శకుడు అమీర్ ప్రశ్నించారు.

క్యాబినెట్‌లో శాఖల కేటాయింపు కూడా వివాదాస్పదమైంది. SC వర్గానికి చెందిన మంత్రి వన్ అరసకు ఆది ద్రవిడ గిరిజన తెగల సంక్షేమ శాఖను, బ్రాహ్మణ వర్గానికి చెందిన మంత్రి రమేష్‌కు హిందూ సంస్కృతి Endowment శాఖను అప్పగించారని విమర్శలు వస్తున్నాయి. కులాలు మతాల ప్రాతిపదికన శాఖలు కేటాయించారని సోషల్ మీడియాలో వివాదం నడుస్తోంది.

ఈ విమర్శలకు మంత్రి రమేష్ స్పందించారు. తమ పార్టీ సామాజిక న్యాయానికి కట్టుబడి ఉందని తెలిపారు. తనకు, Deputy Speaker రవిశంకర్‌కు కులం ఆధారంగా ఓట్లు రాలేదని, CM విజయ్ నాయకత్వం వల్లే గెలిచామని పేర్కొన్నారు. కుల ప్రాతిపదికన పదవులు ఇవ్వలేదని స్పష్టంగా చెప్పారు.

క్యాబినెట్‌లో 8 మంది SC సభ్యులు, 4 మంది మహిళలు ఉన్నారు. రాష్ట్ర చరిత్రలో ఇంత మంది మహిళలకు మంత్రి పదవులు రావడం ఇదే తొలిసారని పేర్కొంటున్నారు. 16 మంది మంత్రులపై ఎలాంటి criminal కేసులు, FIRలు లేవు.