కర్ణాటక CM పదవి మారనుంది: సిద్దరామయ్య రాజీనామాకు సిద్ధం

కర్ణాటక CM సిద్దరామయ్య త్వరలోనే రాజీనామా చేయనున్నారు. ఆయన స్థానంలో Deputy CM డీకే శివకుమార్ కు పగ్గాలు అప్పగించేందుకు Congress అధిష్టానం సిద్ధమైనట్లు తెలుస్తోంది.

గురువారం ఢిల్లీలో సుదీర్ఘ చర్చ జరిగింది. Congress జాతీయ అధ్యక్షుడు మల్లికార్జున ఖర్గే, లోక్‌సభ ప్రతిపక్ష నేత రాహుల్ గాంధీ, Congress జాతీయ ప్రధాన కార్యదర్శి కేసీ వేణుగోపాల్ — ఈ ముగ్గురు సిద్దరామయ్య, శివకుమార్‌లతో రెండు దఫాలు చర్చలు జరిపారు. సమావేశం తర్వాత కేసీ వేణుగోపాల్ మాట్లాడుతూ, ఈ మీటింగ్ లో రాజ్యసభ ఎన్నికలు, కర్ణాటక శాసన మండలి ఎన్నికలు మాత్రమే చర్చించినట్లు పేర్కొన్నారు.

సమావేశం వివరాల ప్రకారం, సిద్దరామయ్యను రాజ్యసభకు పంపాలని అధిష్టానం సూచించింది. అందుకు ప్రతిఫలంగా ఆయన కుమారుడికి మంత్రి పదవి ఇచ్చేందుకు Congress హై కమాండ్ ఆలోచిస్తున్నట్లు తెలుస్తోంది. మొదట్లో ఈ సూచనను తిరస్కరించిన సిద్దరామయ్య తర్వాత అంగీకరించారు.

కర్ణాటక నుంచి వచ్చే వారం నాలుగు రాజ్యసభ స్థానాలు ఖాళీ అవుతున్నాయి. వాటిలో మూడు Congress కు, ఒకటి BJP కు చెందినవి. ఖర్గే స్థానంలో సిద్దరామయ్యను రాజ్యసభ ప్రతిపక్ష నేతగా నియమించాలని Congress అధిష్టానం పరిశీలిస్తున్నట్లు సమాచారం.

2023 మే లో కర్ణాటక Congress ప్రభుత్వం ఏర్పడినప్పుడు సిద్దరామయ్య, శివకుమార్ ఇద్దరూ రెండున్నర ఏళ్ళు చొప్పున CM పదవి పంచుకోవాలని అంతర్గత అంగీకారం జరిగిందని తెలుస్తోంది. ఆ ఒప్పందం ప్రకారమే ఇప్పుడు పదవి మారుతున్నట్లు పేర్కొంటున్నారు. ఈ నెల చివర్లో Congress శాసన సభా పక్ష సమావేశం నిర్వహించి కొత్త CM ఎన్నికను అధికారికంగా ప్రకటించే అవకాశం ఉంది.