వయసులో ఉన్నప్పుడు eggs ఫ్రీజ్ చేసుకుంటే కావాలనుకున్నప్పుడు పిల్లలు కనొచ్చు: డాక్టర్ మాళవిక

ఆధునిక సమాజంలో చాలామంది మహిళలు కెరీర్, వ్యక్తిగత కారణాలతో పెళ్లి, పిల్లలు ఆలస్యం చేస్తున్నారని డాక్టర్ మాళవిక తెలిపారు. అలాంటి వారికి ఎగ్స్ ఫ్రీజ్ చేసుకునే అవకాశం ఉపయోగపడుతుందని చెప్పారు.

యువతలో ఇప్పుడు ‘డ్యూయల్ ఇన్‌కమ్ నో కిడ్స్’ (DINK) కాన్సెప్ట్ ప్రాచుర్యం పొందుతోంది. భార్యాభర్తలు ఇద్దరూ సంపాదిస్తూ పిల్లలు వద్దు అనుకుంటున్నారు. అయితే మానసికంగా సిద్ధంగా ఉన్నప్పుడే పిల్లల్ని కనాలని డాక్టర్ మాళవిక సూచించారు.

ప్రసవం తర్వాత చాలామంది తల్లులు డిప్రెషన్‌కు గురవుతారని, దీన్ని పోస్ట్‌పార్టమ్ బ్లూస్ అంటారని వివరించారు. కుటుంబసభ్యులు, ముఖ్యంగా తల్లిదండ్రులు బిడ్డ పెంపకంలో సహాయం చేస్తే మహిళలు ఉద్యోగం, మాతృత్వం సమతుల్యం చేసుకోవడం సులువవుతుందని చెప్పారు.

ఒంటరిగా లేదా వేరే నగరంలో ఉంటే మానసిక ఒత్తిడి ఎక్కువగా ఉంటుందని, కాబట్టి పిల్లల విషయంలో నిర్ణయం తీసుకునే ముందు సరైన ఆలోచన, కుటుంబ వ్యవస్థ ఉండేలా చూసుకోవాలని సూచించారు.