73 ఏళ్ల వయసులో 89 డిగ్రీలు సాధించిన రాజమహేంద్రవరం వైద్యుడు డాక్టర్ కర్రి రామారెడ్డి

రాజమహేంద్రవరానికి చెందిన మానసిక వైద్య నిపుణుడు డాక్టర్ కర్రి రామారెడ్డి 73 ఏళ్ల వయసులో 89 వేర్వేరు కోర్సుల్లో పట్టాలు పొందారు. ఆయన 50 ఏళ్లుగా రాజమహేంద్రవరంలో ఆసుపత్రి నిర్వహిస్తున్నారు. ఇప్పటివరకు దాదాపు లక్షా యాభై వేల మంది మానసిక రోగులకు చికిత్స అందించారు.

మెడిసిన్‌తో పాటు MA English, MBA, MCA, MTech, LLB, ఐదు LLM లు, PhD కూడా పూర్తి చేశారు. Psychology, Engineering, Management, Law వంటి పూర్తిగా వేర్వేరు రంగాల్లో పీజీలు చేశారు. IIT కోర్సులతో సహా 16 కోర్సులు ఒకేసారి పూర్తి చేశారని ఆయన తెలిపారు.

"చదువుకోవడం పార్ట్ ఆఫ్ మై లైఫ్. అది తినడం, బట్టలు కట్టుకోవడం లాంటిదే. నాకు goal అంటూ ఏం లేదు, journey ని enjoy చేస్తాను" అని రామారెడ్డి తన మాటల్లో చెప్పారు.

తన ఇంటినే మినీ library గా మార్చుకున్న ఆయన, వైద్యం చేస్తూనే చదివే అలవాటు మానలేదు. రేపు 24 కోర్సులు వస్తే 24 చేస్తానని కూడా పేర్కొన్నారు.