డాక్టర్ ప్రియాంక మృతిపై తండ్రి కన్నీటి ఆవేదన: నిందితులకు కఠిన శిక్ష డిమాండ్

డాక్టర్ ప్రియాంక మృతిపై ఆమె తండ్రి వెంకటేశ్వరులు కన్నీరుమున్నీరుగా విలపించారు. మందుబాబుల నిర్లక్ష్యం వల్ల తన కూతురు మరణించిందని ఆయన ఆవేదన వ్యక్తం చేశారు.

కర్నూలు-నంద్యాల ప్రాంతానికి చెందిన ప్రియాంక రాజానగరంలోని GSL మెడికల్ కాలేజీలో PG సీటు పొంది చదువుతోంది. ఏళ్ల తరబడి శ్రమించి డాక్టర్ కావాలనుకున్న తమ కూతురు ఇలా మరణించడం తట్టుకోలేకపోతున్నామని తండ్రి పేర్కొన్నారు.

ఈ ఘటనలో నిందితులను పోలీసులు గుర్తించి అదుపులోకి తీసుకున్నారు. వారిలో ఒకరు లారీ అసోసియేషన్‌కు చెందిన వ్యక్తి కాగా, మరొకరు రైతు కుటుంబానికి చెందిన వారని వెంకటేశ్వరులు తెలిపారు. నిందితులను కఠినంగా శిక్షించాలని ప్రభుత్వాన్ని, పోలీసులను ఆయన కోరారు.