డా. ప్రియాంక కేసు: తండ్రి మాట్లాడుతూ పోలీసు ఆధారాలు చూపించారు, వాస్తవం అర్థమైంది

డాక్టర్ ప్రియాంక కేసులో ఆమె తండ్రి మీడియాతో మాట్లాడారు. ఆయన మాట్లాడుతూ, 'తొలుత నా దృష్టి అంతా కూతురిని రక్షించుకోవడంపైనే ఉంది. కేసు వివరాలు, ఎఫ్ఐఆర్, దర్యాప్తు వంటి విషయాల గురించి ఆలోచించే స్థితిలో లేను' అని చెప్పారు. 'నిన్నటి వరకు పరిస్థితి ఒక కొలిక్కి వచ్చింది. ఆ తర్వాత రాజమండ్రిలోని పోలీసు అధికారులను కలిశాను. డీఎస్పీ, ఎస్పీ, సీఐ, ఎస్ఐ అధికారులు వీడియో ఫుటేజీలతో సహా కేసుకు సంబంధించిన ఆధారాలను నాకు చూపించి వివరంగా తెలియజేశారు. ఆ వివరణతో ఇప్పుడు వాస్తవం అర్థమయింది' అని తండ్రి తెలిపారు. కేసు దర్యాప్తు సరైన విధంగా జరుగుతోందని ఆయన అన్నారు. ఈ కేసుకు సంబంధించి ఇతర వర్గాల స్పందన తెలియాల్సి ఉంది.