DRDO రుద్ర ఎం-2 క్షిపణి పరీక్ష విజయవంతం

ఒడిశా తీరంలోని చండీపూర్ ఇంటిగ్రేటెడ్ టెస్ట్ రేంజ్ (ITR) నుండి DRDO రుద్ర ఎం-2 క్షిపణిని విజయవంతంగా పరీక్షించింది.

ఈ క్షిపణి భూమిపై లక్ష్యాలను ఛేదించే ఎయిర్ టు సర్ఫేస్ క్షిపణి. పూర్తి స్వదేశీ సాంకేతికతతో తయారైన ఈ క్షిపణి అత్యాధునిక హైబ్రిడ్ నావిగేషన్ వ్యవస్థను కలిగి ఉంటుంది.

ఇది సుకోయ్ వంటి యుద్ధ విమానాల నుండి ప్రయోగించవచ్చు. గరిష్టంగా Mach 5.5 వేగంతో 300 కిలోమీటర్ల దూరంలోని లక్ష్యాలను చేరుకోగలదు. 200 కిలోల బరువు వార్‌హెడ్ ను మోసుకెళ్లడం దీని ప్రత్యేకత.

రుద్ర ఎం-2 క్షిపణి ప్రస్తుతం వాడుకలో ఉన్న రష్యా KH-31 యాంటీ-రేడియేషన్ క్షిపణుల స్థానాన్ని చివరకు భర్తీ చేయనుంది. హైదరాబాద్ లోని DRDO రీసెర్చ్ సెంటర్ ఇమారత్ (RCI) ఈ ప్రాజెక్ట్ ను అభివృద్ధి చేసింది. ఇతర DRDO ప్రయోగశాలలు, హిందుస్తాన్ ఏరోనాటిక్స్ లిమిటెడ్ వంటి సంస్థలు భాగస్వామ్యం వహించాయి.

పరీక్ష తర్వాత రక్షణ మంత్రి రాజ్‌నాథ్ సింగ్ DRDO బృందాన్ని అభినందించారు. ఈ విజయం భారత రక్షణ సామర్థ్యాన్ని, ఆత్మనిర్భరతను పెంచుతుందని ఆయన పేర్కొన్నారు.