తెలుగు మహోత్సవాలు ఏటా నిర్వహిస్తామన్న మంత్రి దుర్గేష్; భాషా డాక్యుమెంటేషన్ తయారు

తెలుగు మహోత్సవాలను ఇక నుంచి ప్రతి ఏటా రాష్ట్రవ్యాప్తంగా నిర్వహిస్తామని ఏపీ మంత్రి కందల దుర్గేష్ ప్రకటించారు. ఉండవల్లి గుహల వద్ద రెండు రోజుల పాటు జరిగిన తెలుగు మహోత్సవాల ముగింపు వేడుకల్లో ఆయన మాట్లాడారు. రాష్ట్ర సాంస్కృతిక సృజనాత్మక సమితి ఈ కార్యక్రమాన్ని నిర్వహించింది.

మాతృభాషలో ప్రాథమిక విద్య విద్యార్థుల సర్వతోముఖాభివృద్ధికి దోహదం చేస్తుందని మంత్రి అన్నారు. తెలుగు భాషా వికాసానికి రామోజీరావు విశేష కృషి చేశారని ప్రశంసించారు.

తమిళ భాష తరహాలో తెలుగు భాషా పరిణామ క్రమంపై సమగ్ర డాక్యుమెంటేషన్ రూపొందించనున్నట్లు వెల్లడించారు. తెలుగుకు ప్రాచీన భాషా హోదా వచ్చినా, డాక్యుమెంటేషన్ లోపం ఉందని, ఇకపై ఆ లోటును పూరించడానికి ప్రణాళికలు ఉన్నాయని తెలిపారు.