చంద్రబాబు, పవన్ కల్యాణ్‌పై వ్యాఖ్యల కేసులో MLC దువ్వాడ శ్రీనివాస్ నేడు పోలీసుల ముందు హాజరు

YSRCP MLC దువ్వాడ శ్రీనివాస్ నేడు శ్రీకాకుళం జిల్లా హీరమండలం పోలీస్ స్టేషన్‌లో విచారణకు హాజరు కానున్నారు. గతంలో సీఎం చంద్రబాబు, డిప్యూటీ సీఎం పవన్ కల్యాణ్‌పై అనుచిత వ్యాఖ్యలు చేశారనే ఆరోపణపై ఈ కేసు నమోదైంది.

ఈ కేసు విషయంలో పోలీసులు ఈ నెల 16న దువ్వాడకు నోటీసులు జారీ చేశారు. విచారణకు రావాలని సూచించగా, దువ్వాడ రెండు రోజుల్లో హాజరవుతానని తెలిపారు. దీంతో నేడు (22వ తేదీన) ఆయన పోలీసుల ముందు వివరణ ఇవ్వనున్నారు.

మరోవైపు, తనపై నమోదైన ఈ కేసు పీడీఎస్ బియ్యం కుంభకోణం ఆరోపణలను దృష్టి మరల్చేందుకేనని దువ్వాడ ఆరోపించారు. పీడీఎస్ బియ్యంలో భారీ అవకతవకలు జరుగుతున్నాయని ఆయన చెప్పారు. ఈ నేపథ్యంలో ఈ రోజు హీరమండలం పోలీస్ స్టేషన్‌లో విచారణ అనంతరం తదుపరి చర్యలపై స్పష్టత రానుంది.