తెలుగు గంగ, హంద్రీ నీవా ప్రాజెక్టుల నుంచి నేడు నీటి విడుదల

వడగాలులు, అధిక ఉష్ణోగ్రతలు నమోదయ్యే అవకాశం ఉన్న నేపథ్యంలో, తాగునీటి అవసరాల కోసం నీటిని నిల్వ చేయాలని ముఖ్యమంత్రి చంద్రబాబు నాయుడు అధికారులను ఆదేశించారు. ఈ మేరకు నేడు తెలుగు గంగ, హంద్రీ నీవా (HNSS) ప్రాజెక్టుల నుంచి నీటిని విడుదల చేశారు.

హంద్రీ నీవా ద్వారా 13 టీఎంసీల నీటిని ఒక రిజర్వాయర్లో తాగునీటి కోసం నిల్వ చేసేందుకు విడుదల చేశారు. పోతిరెడ్డిపాడు నుంచి మరో 20 టీఎంసీల నీటిని గాలేరు నగరి, తెలుగు గంగ ప్రాజెక్టులకు విడుదల చేస్తున్నారు. ఈ నీరంతా 2027 జూన్ వరకు తాగునీటి అవసరాల కోసం వినియోగించాలని నిర్ణయించారు.

ప్రతి నీటి చుక్కను పొదుపుగా వాడేలా ప్రజలను, రైతులను చైతన్యం చేయాలని అధికారులకు సీఎం సూచించారు. రాబోయే వేసవిలో నీటి భద్రతా చర్యలు తీసుకోవాలని ఆయన ఆదేశించారు.