ఈటెల రాజేందర్ వ్యాఖ్యలు: మరో 5 ఏళ్లు మోడీనే ప్రధాని

బీజేపీ నేత ఈటెల రాజేందర్ ప్రధాని నరేంద్ర మోడీ నాయకత్వాన్ని ప్రశంసించారు. మోడీ 12 సంవత్సరాలుగా వరుసగా పాలిస్తున్నారని, ఆయన దేశంలో అత్యధిక కాలం పాలించిన ఎన్నికైన ప్రధానిగా రికార్డు సృష్టించారని ఆయన అన్నారు.

1952లో భారతదేశంలో తొలి సార్వత్రిక ఎన్నికలు జరిగాయని, అంతకు ముందు ఎన్నికైన ప్రభుత్వం లేదని రాజేందర్ గుర్తు చేశారు. నెహ్రూ కంటే ఎక్కువ రోజులు మోడీ పాలించే అవకాశం ఉందని కూడా ఆయన వ్యాఖ్యానించారు.

1991లో చంద్రశేఖర్ ప్రధానిగా ఉన్నప్పుడు ఆర్థిక సంక్షోభం కారణంగా భారత్ బంగారం లండన్ తాకట్టు పెట్టాల్సి వచ్చిందని, ప్రస్తుత ఆర్థిక స్థితి మెరుగ్గా ఉందని ఆయన వివరించారు. మోడీ ప్రభుత్వం అభివృద్ధితో పాటు భారతీయ సంస్కృతిని ప్రపంచానికి పరిచయం చేస్తోందని రాజేందర్ పేర్కొన్నారు.