60 ఏళ్ల మహిళల డాన్స్ రీల్‌కు 52 మిలియన్ వ్యూస్; జగిత్యాల నుంచి వైరల్

జగిత్యాల జిల్లా గోదూర్ గ్రామానికి చెందిన ఇద్దరు మహిళల డాన్స్ రీల్స్ సోషల్ మీడియాలో విస్తృతంగా వైరల్ అవుతున్నాయి. గోపు లలిత, ఇప్పనవేణి నరసవ్వ అనే ఈ మహిళల ఓ డాన్స్ రీల్ ఇప్పటికి 52 మిలియన్ల వ్యూస్ సాధించింది.

వీరు రెండేళ్ల క్రితం గంగాధర్ అనే స్థానికుడి ప్రోత్సాహంతో రీల్స్ చేయడం ప్రారంభించారు. ‘గోదూర్ టీవీ’ పేరుతో 500కి పైగా డాన్స్, కామెడీ రీల్స్ పోస్ట్ చేశారు.

అదే గ్రామానికి చెందిన బీటెక్ గ్రాడ్యుయేట్ మాధవ్ మరో ఇద్దరు మహిళలతో చేసిన ఇంగ్లీష్ పదాల ఫన్నీ రీల్ 36 మిలియన్ల వ్యూస్తో పాటు 1.3 మిలియన్ల లైక్స్ సొంతం చేసుకుంది. మాధవ్ ప్రభుత్వ ఉద్యోగం కోసం సన్నద్ధమవుతున్న నేపథ్యంలో వీడియోలు తీయడం మొదలుపెట్టారు.

ప్రస్తుతం వీరి రీల్స్ యూట్యూబ్ ద్వారా ఆదాయాన్ని కూడా తెచ్చిపెడుతున్నాయి. తాజా వీడియోలు నెటిజన్ల ఆదరణ పొందుతూ నిత్యం వైరల్ అవుతున్నాయి.