SIR మూడో దశ: 16 రాష్ట్రాల్లో ఓటర్ జాబితా సవరణ ప్రారంభం

కేంద్ర ఎన్నికల సంఘం 16 రాష్ట్రాలు, 3 కేంద్రపాలిత ప్రాంతాల్లో Special Intensive Revision (SIR) మూడో దశను ప్రారంభించింది. తెలంగాణ, ఆంధ్రప్రదేశ్‌తో సహా పంజాబ్, కర్ణాటక వంటి రాష్ట్రాలు ఈ ప్రక్రియలో భాగంగా ఉన్నాయి.

ఆంధ్రప్రదేశ్‌లో జూన్ 1 నుంచి 15 వరకు ఈ ప్రక్రియ జరుగుతుంది. తెలంగాణలో జూన్ 15 నుంచి 24 వరకు సిబ్బందికి శిక్షణ, ప్రింటింగ్ పని కొనసాగుతుంది. జూన్ 25 నుంచి జూలై 24 వరకు Booth Level Officers (BLOs) ఇంటింటికి వెళ్లి సమాచారం సేకరిస్తారు.

జూలై 31న draft ఓటర్ జాబితా విడుదల చేస్తారు. అభ్యంతరాలు, claims కు ఆగస్టు 30 వరకు అవకాశం ఉంటుంది. అక్టోబర్ 1న తుది ఓటర్ జాబితాను ముఖ్య ఎన్నికల అధికారి విడుదల చేస్తారు.

2002 కంటే ముందే ఓటరుగా నమోదైన వారికి ఎలాంటి పత్రాలు చూపించాల్సిన అవసరం లేదు. 2002 తర్వాత ఓటరుగా నమోదైన వారు తమ అర్హతను నిరూపించే ధృవీకరణ పత్రాలు సమర్పించాల్సి ఉంటుంది. తెలంగాణలో సుమారు కోటి మంది ఓటర్లు ఇలాంటి పత్రాలు సమర్పించాల్సి ఉంటుందని ఎన్నికల సంఘం అధికారులు పేర్కొన్నారు.

మరణించిన వారి ఓట్లు, duplicate ఓట్లు తొలగిస్తామని ఎన్నికల సంఘం తెలిపింది. తమిళనాడు, పశ్చిమ బెంగాల్ నుంచి తెలంగాణకు ఓటర్ జాబితాలు పంపి cross-check చేశారని అధికారులు వివరించారు. దేశవ్యాప్తంగా 30 కోట్లకు పైగా ఓటర్ల జాబితాను ఈ ప్రక్రియలో సమీక్షిస్తారు.