ఏలూరు జిల్లాలో ఆక్వా రైతులకు విద్యుత్ రాయితీ విస్తరణ

ఏలూరు జిల్లాలో ఆక్వా రైతులకు విద్యుత్ రాయితీ సదుపాయాన్ని ప్రభుత్వం విస్తరించింది. ఇప్పటివరకు 10 ఎకరాల లోపు ఆక్వా జోన్‌ లో సాగు చేస్తున్న రైతులకు మాత్రమే యూనిట్‌కు ₹1.55 చార్జీతో కరెంటు ఇచ్చేవారు. ఇప్పుడు 10 ఎకరాలకు మించి సాగు చేస్తున్న వారికి, ఆక్వా జోన్‌లో లేని వారికీ ఈ రాయితీ వర్తిస్తుంది.

జిల్లా మత్స్యశాఖ సంయుక్త సంచాలకులు ప్రసాద్ తెలిపిన వివరాల ప్రకారం, జిల్లాలో 50 వేల ఎకరాల్లో ఆక్వా సాగు జరుగుతోంది. సుమారు 15,000 మంది రైతులు ఈ రంగంలో ఉన్నారు. వారికి 13,200 విద్యుత్ కనెక్షన్లు ఉన్నాయి. తొలివెడతలో 9,500 కనెక్షన్లకు రాయితీ లభిస్తోంది.

రాయితీ పొందేందుకు రైతులు తప్పనిసరిగా ఆక్వా రిజిస్ట్రేషన్ చేయించుకోవాలి. ఇప్పటివరకు 80,000 ఎకరాల విస్తీర్ణంలో రిజిస్ట్రేషన్ పూర్తయింది. మరో 70,000 ఎకరాలకు రిజిస్ట్రేషన్ చేయాల్సి ఉంది. రైతులకు అవగాహన కల్పించేందుకు గ్రామస్థాయిలో సదస్సులు నిర్వహిస్తున్నామని ప్రసాద్ తెలిపారు. రిజిస్ట్రేషన్ ప్రక్రియను జూన్ చివరికి పూర్తి చేయాలని లక్ష్యంగా పెట్టుకున్నారు.