ఏలూరు జిల్లాలో గ్రామస్థులే ఓటింగ్ చేసి సర్పంచ్‌ను ఎన్నుకున్నారు

ఏలూరు జిల్లా కొయ్యలగూడెం మండలం దిప్పకాయలపాడు గ్రామంలో సర్పంచ్ ఎన్నికకు గ్రామస్థులే పోలింగ్ నిర్వహించారు. అధికారిక షెడ్యూల్ కంటే ముందే ఈ పోలింగ్ జరిగింది.

ఈ గ్రామంలో సర్పంచ్ పదవి SC సామాజిక వర్గానికి రిజర్వ్ అయింది. పోటీకి నలుగురు అభ్యర్థులు ముందుకు వచ్చారు. పెద్దల సూచనతో ఇద్దరు అభ్యర్థులు తప్పుకున్నారు.

మిగిలిన ఇద్దరు అభ్యర్థుల్లో ఎవరిని ఎన్నుకోవాలనేది నిర్ణయించడానికి గ్రామస్థులంతా రహస్య ఓటింగ్ చేశారు. ఈ పోలింగ్ తర్వాత సర్పంచ్ ఎన్నిక ఏకగ్రీవంగా జరిగినట్లు గ్రామస్థులు ప్రకటించుకున్నారు.

ప్రభుత్వం నుంచి వచ్చే నిధుల కోసమే ఈ ప్రయోగం చేస్తున్నట్లు వారు తెలిపారు. ఆ నిధులను గ్రామ అభివృద్ధికి ఉపయోగిస్తామని చెప్పారు. గ్రామస్థులంతా కలిసి ఎన్నుకున్న అభ్యర్థికి మద్దతు ఇస్తామని వెల్లడించారు. ఈ ఏకగ్రీవ ప్రకటనపై ఎన్నికల అధికారుల స్పందన లభ్యం కాలేదు.