ఎంపి ఈటల రాజేందర్ MMC సమ్మర్ కోచింగ్ క్యాంప్ ముగింపు వేడుకల్లో పాల్గొన్నారు

మల్కాజగిరి ఎంపి ఈటల రాజేందర్ ఉప్పల్ మున్సిపల్ గ్రౌండ్లో జరిగిన MMC సమ్మర్ కోచింగ్ క్యాంప్ ముగింపు వేడుకల్లో పాల్గొన్నారు. మల్కాజగిరి మున్సిపల్ కార్పొరేషన్ ఈ శిబిరాన్ని నిర్వహించింది.

వేసవి సెలవుల్లో విద్యార్థులు సెల్ఫోన్లు, టీవీలకు దూరంగా ఉండి కోచింగ్లో పాల్గొనడం అభినందించదగ్గదని ఆయన అన్నారు. కార్యక్రమంలో విద్యార్థుల మార్చ్ఫాస్ట్ నిర్వహించగా, ఈ సందర్భంగా గౌరవ వందనం స్వీకరించారు.

చిన్నతనం నుంచే క్రీడలను ప్రోత్సహించాలని, శారీరక దారుఢ్యంతో పాటు మానసిక ఆరోగ్యాన్ని క్రీడలు మెరుగుపరుస్తాయని ఎంపి తెలిపారు. ‘ఖేలో ఇండియా’ కార్యక్రమం ద్వారా దేశవ్యాప్తంగా క్రీడా స్ఫూర్తిని పెంచాలని ప్రధాని నరేంద్ర మోదీ పిలుపునిచ్చారని గుర్తుచేశారు. ప్రస్తుతం పలు పాఠశాలల్లో క్రీడా మైదానాలు లేకుండా, విద్యార్థులు మార్కుల కోసం మాత్రమే పోటీపడుతున్న విధానంపై ఆయన ఆందోళన వ్యక్తం చేశారు.