పెట్రోల్ ధరల భారంతో తెలుగు రాష్ట్రాల్లో EV వాహనాలకు భారీ డిమాండ్

పెట్రోల్ ధరలు పెరగడంతో తెలుగు రాష్ట్రాల్లో electric వాహనాలకు డిమాండ్ భారీగా పెరిగింది. షోరూమ్లలో stock లేక, కొన్ని మోడళ్లకు రెండు నుంచి మూడు నెలల వెయిటింగ్ ఉందని కరీంనగర్ సేల్స్ ఆఫీసర్లు తెలిపారు.

ఒక కొనుగోలుదారు మాట్లాడుతూ, 45 రోజుల ముందస్తు బుకింగ్ తర్వాత తమ EV వాహనం delivery అయిందని చెప్పారు. లోకల్ ట్రిప్పులకు పెట్రోల్ భరించడం కష్టంగా ఉండడంతో EV ఎంచుకున్నట్టు పేర్కొన్నారు.

ఒక్కసారి charge చేస్తే ఎక్కువ దూరం వెళ్లడం, servicing ఖర్చు తక్కువగా ఉండడం వల్ల EV వాహనాలపై ఆసక్తి పెరిగిందని సేల్స్ ఆఫీసర్లు వివరించారు. ఉద్యోగులు, విద్యార్థులు, రైతులు రోజువారీ అవసరాలకు two-wheelers పై ఆధారపడుతుంటారు. పెరుగుతున్న ఇంధన ధరలతో వారు EV స్కూటర్లను ప్రత్యామ్నాయంగా ఎంచుకుంటున్నారు.

పశ్చిమాసియా పరిస్థితుల నేపథ్యంలో PM మోదీ ఇంధన పొదుపుపై ప్రకటన చేయడం కూడా EV కొనుగోళ్లను ప్రభావితం చేసిందని వినియోగదారులు పేర్కొన్నారు. కొత్త మోడళ్లు మెరుగైన battery range తో వస్తుండడం కూడా ఆసక్తిని పెంచుతోందని కరీంనగర్ సేల్స్ ఆఫీసర్లు తెలిపారు.