ఫరీదాబాద్‌లో విద్యార్థుల ఎదుట టీచర్‌ను 34 కత్తిపోట్లతో హత్య చేసిన నిందితుడు అరెస్ట్

ఫరీదాబాద్ జిల్లా సిర్కోనా ప్రాంతంలోని సరస్వతి సీనియర్ సెకండరీ స్కూల్లో సోమవారం విద్యార్థుల ముందే ఓ టీచర్‌పై దాడి జరిగింది.

స్కూల్లో ఇంగ్లీష్ టీచర్‌గా పనిచేస్తున్న 26 ఏళ్ల సంధ్యపై 21 ఏళ్ల అమిత్ అనే యువకుడు కత్తితో దాడి చేశాడు. అమిత్, సంధ్య భర్త స్కూల్ గేటు దగ్గర ఉన్నాడని నమ్మబలికి, ఆమెను క్లాస్ రూమ్ నుంచి బయటకు పిలిచాడు. ఆ తర్వాత కత్తితో 34 సార్లు పొడిచి హత్య చేశాడు. దాడి కేవలం 30 సెకండ్లలో జరిగిపోయింది. సంధ్య అక్కడికక్కడే మరణించింది. ఈ ఘటనను విద్యార్థులు చూశారు.

సంధ్యకు భర్త, ఇద్దరు పిల్లలు ఉన్నారు. అమిత్ గత రెండేళ్లుగా సంధ్యను వెంబడిస్తూ వేధిస్తున్నాడు. సంధ్య అతని ప్రేమ ప్రతిపాదనను తిరస్కరించడంతో, అమిత్ ఈ హత్యకు పథకం వేశాడు.

పోలీసులు స్కూల్ ఆవరణలోని సిసిటీవీ కెమెరాలను పరిశీలించి, ఇదే ఫుటేజీ ఆధారంగా అమిత్‌ను అరెస్ట్ చేశారు. నిందితుడిపై కఠిన సెక్షన్ల కింద కేసు నమోదు చేసి దర్యాప్తు కొనసాగిస్తున్నారు.