నోయిడా అంతర్జాతీయ విమానాశ్రయం (జేవార్)లో తొలి ప్రయాణికుడి సంతృప్తి

నోయిడా అంతర్జాతీయ విమానాశ్రయం (జేవార్) ప్రారంభమైన తర్వాత మొదటి ప్రయాణికుడు తన అనుభవాన్ని పంచుకున్నాడు. డిల్లీ-ఎన్సీఆర్‌లో ఇది రెండో పెద్ద విమానాశ్రయం కావడంతో ప్రయాణికుల్లో ఆసక్తి నెలకొంది. ఉద్యోగ రీత్యా తరచూ బెంగళూరు, పూణే లాంటి నగరాలకు ప్రయాణించే ఓ ప్రయాణికుడు ఈ రోజు మొదటిసారి ఇక్కడి నుంచి బెంగళూరు విమానం ఎక్కుతున్నట్లు తెలిపాడు. "ఇక్కడి మౌలిక సదుపాయాలు చాలా బాగున్నాయి. ఇన్‌ఫ్రాస్ట్రక్చర్‌పరంగా బాగా డెవలప్ చేశారు. ప్రయాణానికి మంచి అనుభూతినిస్తోంది" అని ఆయన చెప్పిన మాటలు సోషల్ మీడియాలో షేర్ అవుతున్నాయి. ఉత్తరప్రదేశ్‌లోని జేవార్ వద్ద ఏర్పాటైన ఈ విమానాశ్రయం ఢిల్లీ ఇందిరాగాంధీ అంతర్జాతీయ విమానాశ్రయంపై ఒత్తిడి తగ్గించనుంది. హైదరాబాద్, విశాఖపట్నం నుంచి కూడా నేరుగా ఇక్కడికి విమానాలు రానున్నాయి. దీనివల్ల తెలుగు ప్రయాణికులకు జాతీయ రాజధాని ప్రాంతానికి చేరుకోవడం మరింత సులువవుతుంది.

కొత్త విమానాశ్రయంలో ప్రయాణికుల సౌకర్యాలన్నీ అత్యాధునికంగా ఉన్నాయని అధికారులు తెలిపారు. త్వరలో ఇతర గమ్యస్థానాలకు కూడా సర్వీసులు ప్రారంభం కానున్నట్లు సమాచారం.