చేపల వ్యాపారి 30 ఏళ్ల కల నిజమైంది — 220 కిలోల నాణాలతో Royal Enfield కొన్నాడు

బాపట్ల జిల్లా చీరాల మండలంలోని రాసాని రాఘవ, దేవాంగపురి మార్కెట్లో చేపల వ్యాపారం చేస్తారు. 15 ఏళ్ల వయసప్పటి నుండి Royal Enfield కొనాలని కలలు కన్నాడు.

డబ్బు దాచుకోవాలని ప్రయత్నించిన ప్రతిసారీ కుటుంబ అవసరాలకు ఖర్చయిపోయింది. మూడేళ్ల క్రితం రాఘవ ఒక నిర్ణయం తీసుకున్నాడు. మార్కెట్లో వసూలు చేసే ₹10 నాణాలను ఖర్చు చేయకుండా ప్లాస్టిక్ డబ్బాలో దాచడం మొదలుపెట్టాడు.

మూడేళ్లలో పోగుపడిన నాణాల బరువు 220 కిలోలు అయింది. వాటి విలువ లక్షల రూపాయలు. గోని సంచుల్లో వేసుకొని పలు షోరూమ్‌లకు వెళ్లాడు. అంత చిల్లరను లెక్కించే ఓపిక లేదని చాలా చోట్ల నిరాకరించారు.

చివరికి స్నేహితుల సహాయంతో ఒంగోలులోని Royal Enfield షోరూమ్‌ని సంప్రదించాడు. షోరూమ్ సిబ్బంది నాలుగు రోజులు నాణాలు లెక్కించి, రాఘవకు బైక్ డెలివరీ ఇచ్చారు. రాఘవ భార్య శ్రీలక్ష్మితో కలిసి కొత్త బైక్‌పై రోడ్డుకెక్కాడు.