5 టన్నుల లడ్డూలతో ప్రత్యేక రథం; విజయవాడ జగన్నాథ రథయాత్రలో ప్రదర్శన

విజయవాడలోని ఇస్కాన్ ఆలయంలో రేపు జరిగే జగన్నాథ రథయాత్రలో 5 టన్నుల లడ్డూలతో ప్రత్యేకంగా తయారు చేసిన రథం ప్రదర్శనకు రానుంది.

పల్నాడు జిల్లా చిలకూడిపేటకు చెందిన రత్న బేకర్ అండ్ స్వీట్స్ ఆధ్వర్యంలో, DNDL సంస్థ అధినేత గుంటూరు సురేశ్ స్పాన్సర్‌షిప్‌తో ఈ రథాన్ని సిద్ధం చేశారు.

60 మంది కార్మికులు 60 గంటల పాటు నిరంతరం శ్రమించి పూర్తిగా లడ్డూలతో ఈ రథాన్ని రూపొందించినట్టు నిర్వాహకులు తెలిపారు. భారతదేశంలోనే తొలిసారిగా ఇలాంటి ప్రయత్నం జరిగిందని వారు పేర్కొన్నారు.

జగన్నాథుని రథయాత్ర సందర్భంగా ఈ ‘లడ్డు చైతన్య రథం’ భక్తులకు ప్రత్యేక ఆకర్షణగా నిలుస్తుందని భావిస్తున్నారు.