తాడేపల్లిగూడెంలో ఉచిత మెగా వైద్య శిబిరం.. ఎమ్మెల్యే బొలిశెట్టి శ్రీనివాస్ పాల్గొని ఆరోగ్య సూచనలు

తాడేపల్లిగూడెంలో ఉచిత మెగా వైద్య శిబిరం నిర్వహించారు. ఎమ్మెల్యే బొలిశెట్టి శ్రీనివాస్ ఈ కార్యక్రమంలో పాల్గొన్నారు.

ఆయన మాట్లాడుతూ, ఆహారపు అలవాట్లు, ప్లాస్టిక్ వినియోగం కారణంగా క్యాన్సర్ ముప్పు పెరుగుతోందని తెలిపారు. అనుమానాస్పద లక్షణాలు కనిపిస్తే వెంటనే వైద్యులను సంప్రదించాలని సూచించారు. రక్త పరీక్షలు, వైద్య పరీక్షలకు వేల రూపాయలు ఖర్చయ్యే సమయంలో ఉచిత శిబిరం ఏర్పాటు చేయడం అభినందనీయమన్నారు.

ఈ శిబిరాన్ని వెద దుర్గా ప్రసాద్, హెల్ప్ హాస్పిటల్, ఆశ్రమ హాస్పిటల్ సంయుక్తంగా నిర్వహించారు. మాజీ మున్సిపల్ చైర్మన్ కీతకోట భీమ శంకర్ రావు, చాంబర్ ఆఫ్ కామర్స్ అధ్యక్షుడు గట్టి మాణిక్యలరావు, లయన్స్ క్లబ్ పాస్ట్ గవర్నర్ కొల్లవాడి పెద్ద కృష్ణరాజు తదితరులు పాల్గొన్నారు.