విశాఖలో 160 ఏళ్ల రావి చెట్టుకు స్నేహ బంధం

ఫ్రెండ్షిప్ డే సందర్భంగా విశాఖపట్నంలో ఒక ప్రత్యేక కార్యక్రమం జరిగింది. రైల్వే స్టేషన్ సమీపంలో ఉన్న సుమారు 160 ఏళ్ల నాటి రావి చెట్టుకు బనమాలి గార్డనర్స్ సొసైటీ, గ్రీన్ క్లైమేట్ టీం సభ్యులు ఫ్రెండ్షిప్ బ్యాండ్ కట్టారు. దీని ద్వారా పర్యావరణ పరిరక్షణ ప్రాముఖ్యతను పిల్లలకు, యువతకు తెలియజేయాలని నిర్వాహకులు తెలిపారు.

ప్రకృతి రక్షణ లక్ష్యంగా ప్రతి గ్రామం చుట్టూ తాటి పళ్ళు నాటే కార్యక్రమం చేపడుతున్నామని వారు చెప్పారు. అలాగే విద్యార్థులతో విత్తనాల రాఖీలు తయారు చేయించి వాటిని ప్రజల్లోకి తీసుకెళ్తామన్నారు. పెద్ద వృక్షాలను కాపాడాలనే క్యాంపెయిన్ కూడా నిర్వహిస్తున్నట్లు నిర్వాహకులు వెల్లడించారు.

ఈ కార్యక్రమం రాఖీ పౌర్ణమి వరకు కొనసాగుతుందని, ఎక్కువ మందిని భాగస్వామ్యం చేసి విస్తృతంగా నిర్వహించాలని ఆలోచిస్తున్నట్లు తెలిపారు. చెట్లతో మన అనుబంధాన్ని పెంచుకోవాలన్న సందేశం ఇవ్వడమే ఈ కార్యక్రమం ఉద్దేశమని నిర్వాహకులు పేర్కొన్నారు.