నరసరావుపేటలో 1,425 గ్రాముల గంజాయి స్వాధీనం, ఐదుగురు అరెస్టు

నరసరావుపేటలో పోలీసులు నిర్వహించిన దాడుల్లో 1,425 గ్రాముల గంజాయి స్వాధీనం చేసుకున్నారు. ఈ గంజాయి విలువ సుమారు ₹70,000 ఉంటుందని పోలీసులు తెలిపారు. ఈ కేసులో ఐదుగురిని అరెస్టు చేశారు. వీరి నుంచి ₹800 నగదు కూడా స్వాధీనం చేసుకున్నారు.

అరెస్టయిన వారిలో ఇద్దరు ఇంజనీరింగ్ విద్యార్థులు ఉన్నారు. విజయనగరం జిల్లాకు చెందిన సింహాచలం నరసరావుపేటలోని ఓ ఇంజనీరింగ్ కాలేజీలో బీటెక్ చదువుతున్నాడు. అతను ఒడిశా సరిహద్దు నుంచి గంజాయి తీసుకువచ్చి విక్రయిస్తున్నట్టు పోలీసులు గుర్తించారు. అతని స్నేహితుడు సాయినాథ్ కూడా ఈ విక్రయాల్లో పాల్గొంటున్నాడు.

మిగిలిన ముగ్గురు గుంటూరుకు చెందిన జావేద్, రహమతుల్లా, అత్తావలి. వీరు గంజాయి కొనుగోలు చేసేందుకు నరసరావుపేట వచ్చారు. ప్రకాష్ నగర్ రైల్వే స్టేషన్ సమీపంలోని బ్లైండ్ స్కూల్ వద్ద బ్రహ్మం గారి గుడి దగ్గర వీరు ఉన్న సమయంలో పోలీసులు దాడి చేశారు.

వన్ టౌన్ పోలీసులకు అందిన సమాచారంతో ఎంఆర్వో సమక్షంలో ఈ దాడి జరిగింది. నిందితులందరినీ కోర్టులో ప్రవేశపెట్టి రిమాండ్ కోరనున్నట్టు పోలీసులు తెలిపారు.