గ్యాస్ ధర పెరుగుదల: హైదరాబాద్ నుండి లక్నో వరకు స్ట్రీట్ ఫుడ్ ధరలు భారంగా మారాయి

వంట గ్యాస్ సిలిండర్ ధర బాగా పెరగడంతో హైదరాబాద్‌లో బిర్యానీ, ఇరానీ చాయ్ ధరలు గణనీయంగా పెరిగాయి. వంట నూనె, మసాలా ధరలు కూడా పెరిగాయని హోటల్ నిర్వాహకులు తెలిపారు.

హైదరాబాద్‌లో ₹100 కి దొరికిన బిర్యానీ ప్లేట్ ఇప్పుడు కొన్ని చిన్న హోటళ్లలో ₹120 నుండి ₹150 కి చేరింది. ₹10 కి దొరికిన ఇరానీ చాయ్ ₹15 నుండి ₹16 కి పెరిగింది. పెట్రోల్, డీజిల్ ధరల పెరుగుదల కూడా సరుకు రవాణా ఖర్చులను పెంచిందని హోటల్ నిర్వాహకులు పేర్కొన్నారు.

ముంబైలో ₹8 కి దొరికిన వడాపావు ఇప్పుడు కొన్ని చోట్ల ₹25 కి చేరింది. జైపూర్‌లో ₹55 ఉన్న ఉల్లిపాయ కచోరి ₹60 కి పెరిగింది. లక్నోలో ₹30 ఉన్న కబాబ్ ప్లేట్ ₹40 కి, ₹40 ఉన్న కచోరి ప్లేట్ ₹50 కి చేరింది.

మధ్యప్రదేశ్‌లో ₹15 ఉన్న పోహా ₹20 కి, పోహా-జిలేబి combo ₹25 నుండి ₹30 కి పెరిగింది. టీ ధర ₹10 నుండి ₹15 కి పెరిగింది.

ధరల పెరుగుదల వల్ల కస్టమర్ల సంఖ్య సగానికి పడిపోయిందని చిన్న వ్యాపారులు చెప్తున్నారు. ఇలాగే కొనసాగితే దుకాణాలు మూసుకోవాల్సి వస్తుందని వారు ఆందోళన వ్యక్తం చేస్తున్నారు.