ప్రపంచ కప్‌లో జర్మనీ సునామీ: కురాకవోపై 7-1తో రికార్డు విజయం

ప్రపంచ కప్‌లో భాగంగా జర్మనీ జట్టు కురాకవోను 7-1 తేడాతో చిత్తుగా ఓడించింది. ఈ మ్యాచ్ అనంతరం జర్మన్ అభిమానులు ఉత్సాహంగా సంబరాలు చేసుకోగా, కురాకవో ఫ్యాన్స్ తమ జట్టు ఒకే గోల్ చేయడంతో సంతృప్తి వ్యక్తం చేశారు. ప్రపంచ కప్ టోర్నమెంట్‌లో అతి చిన్న దేశంగా రికార్డు సృష్టించిన కురాకవోకు ఇది తొలి ప్రదర్శన. గతంలో గిన్నిస్ బుక్ ఆఫ్ వరల్డ్ రికార్డ్స్‌లో స్థానం సంపాదించిన ఈ ద్వీప దేశం, జర్మనీ వంటి ఫుట్‌బాల్ పవర్‌హౌస్‌తో తలపడి ఒక గోల్ చేయడమే ఘన విజయంగా భావించింది. మ్యాచ్ ముగిసిన వెంటనే జర్మన్ అభిమానులు భారీ శబ్దాలతో విజయోత్సవం జరిపారు. ఒక జర్మన్ ఫ్యాన్ మాట్లాడుతూ, ‘ప్రపంచ కప్ చూడటం మాకు చాలా ఇష్టం. జర్మనీ అంటేే మా ఫేవరెట్’ అని ఆనందం వ్యక్తం చేశారు. మరో అభిమాని ‘ఓటమి వస్తే మందుతో దుఃఖాన్ని దూరం చేసుకుందామని అనుకున్నాం, కానీ ఇప్పుడు నమ్మకంగా ఉన్నాం. ప్రపంచ కప్ గెలవొచ్చని భావిస్తున్నాం’ అన్నారు. కురాకవో అభిమానులు మాత్రం సానుకూల దృక్ఫథంతో ఉన్నారు. ‘చిన్న ద్వీపంగా ఇక్కడికి రావడమే మాకు విజయం. జర్మనీతో ఆడుతూ ఒక గోల్ కొట్టడం నెక్స్ట్ లెవెల్. మా జట్టును చూసి చాలా గర్వంగా ఉంది. జర్మనీ లాంటి వార్ స్క్వాడ్‌తో పోటీపడడం గొప్ప విషయం’ అని తెలిపారు. కురాకవో జట్టు ప్రదర్శనపై స్థానిక ఫ్యాన్స్ సంతృప్తిగా ఉన్నట్లు వ్యాఖ్యానించారు. ఈ మ్యాచ్ తర్వాత జర్మనీ జట్టు నాకౌట్ దశకు చేరువైంది, మరోవైపు కురాకవో ప్రపంచ కప్ అనుభవంతో భవిష్యత్తు పట్ల ఆశాభావం వ్యక్తం చేసింది.