5వ తరగతి చిన్నారి వర్షిణి స్కూల్ సీటు కోసం కరీంనగర్ కలెక్టర్‌ను ఆశ్రయించింది; సీటు కేటాయింపునకు ఆదేశం

చదువుకోవాలనే ఆకాంక్షతో కరీంనగర్ జిల్లా చొప్పదండి మండలం ఆర్నకొండ గ్రామానికి చెందిన ఓ చిన్నారి నేరుగా కలెక్టర్‌ను సంప్రదించింది. తనకు స్కూల్లో సీటు కేటాయించాలని ఆ బాలిక కలెక్టర్‌ను వేడుకుంది.

చిన్నారి పేరు వర్షిని. ఆమె 5వ తరగతి చదువుతోంది. నాలుగేళ్ల క్రితం ఆమె తండ్రి అనారోగ్యంతో మరణించారు. తల్లి అనారోగ్యంతో బాధపడుతూ హోటల్‌లో రోజువారీ కూలి పని చేస్తోంది. కుటుంబ ఆర్థిక పరిస్థితి ఆశాజనకంగా లేదు.

తిమ్మాపూర్‌లోని ప్రభుత్వ పాఠశాలలో సీటు కావాలని వర్షిని కలెక్టర్‌ను అభ్యర్థించగా, వెంటనే స్పందించిన కలెక్టర్ సీటు కేటాయించాలని సంబంధిత అధికారులను ఆదేశించారు.

గ్రామస్తులు, ఇరుగుపొరుగు వారి సహాయంతో కలెక్టర్‌ను కలిసినట్లు స్థానికులు తెలిపారు. వర్షిని చదువులో మంచి ప్రతిభ చూపిస్తోందని, సీటు లేకపోవడంతో పరీక్ష రాయలేదని వారు చెప్పారు.

ప్రభుత్వం నుంచి వచ్చే పెన్షన్‌తో పాటు తల్లి చేసే కూలి పనితోనే ఈ కుటుంబం జీవిస్తోంది. కలెక్టర్ ఆదేశాలతో వర్షినికి త్వరలో సీటు లభించే అవకాశం ఉంది. విద్యాశాఖ అధికారులు సీటు కేటాయింపు ప్రక్రియ చేపట్టనున్నారు.