మూడు భాషల భగవద్గీత ప్రచురణకు గీతా ప్రెస్ సన్నాహాలు

గీతా ప్రెస్ (గోరఖ్‌పూర్) కొత్త తరం కోసం మూడు భాషల భగవద్గీత పుస్తకాన్ని ప్రచురించనుంది. ఇందులో భగవద్గీత శ్లోకాలు సంస్కృతంలో ఉంటాయి. వాటికి హిందీ, ఇంగ్లీష్ భాషల్లో వివరణ జతచేస్తారు.

ఈ ప్రత్యేక పుస్తకం ఆర్ట్ పేపర్‌పై ముద్రిస్తున్నారు. సందర్భానుసారమైన చిత్రాలూ ఇందులో ఉంటాయి. ముఖ్యంగా సంస్కృతం రాని యువత, దక్షిణ భారతంలో, విదేశాల్లో నివసించే సనాతన ధర్మ కుటుంబాల పిల్లల కోసం ఈ పుస్తకాన్ని రూపొందించారు.

గీతా ప్రెస్ మేనేజర్ మాట్లాడుతూ.. పుస్తకం దాదాపు పూర్తయిందని, త్వరలోనే ప్రచురించి విడుదల చేస్తామని చెప్పారు.