కోటి దీపోత్సవం 2026కు ప్రధాని మోడీ అభినందన లేఖ, శుభాకాంక్షలు

కోటి దీపోత్సవం 2026కు ప్రధాని నరేంద్ర మోడీ శుభాకాంక్షలు తెలిపారు. భక్తి టీవీ నిర్వహిస్తున్న ఈ కార్యక్రమం ప్రారంభం సందర్భంగా రచనా టెలివిజన్ సంస్థకు ఆయన అభినందన లేఖ పంపారు.

కోటి దీపోత్సవం వంటి కార్యక్రమాలు మన సంస్కృతి, సాంప్రదాయాలను భావితరాలకు అందించడంలో కీలక పాత్ర పోషిస్తున్నాయని మోడీ పేర్కొన్నారు. ఈ పవిత్ర వేడుక ప్రతి ఇంట సుఖ సంతోషాలు తీసుకురావాలని ఆయన ఆకాంక్షించారు. దీపాల వెలుగు దేశ భవిష్యత్తు కోసం పని చేసేందుకు స్ఫూర్తి ఇవ్వాలని కూడా ఆయన తెలిపారు.

2023లో జరిగిన కోటి దీపోత్సవం జ్ఞాపకాలను మోడీ ఈ లేఖలో పంచుకున్నారు. భక్తుల భక్తి, శ్రద్ధ తనకు చిరస్మరణీయమైన అనుభూతిని ఇచ్చాయని ఆయన అన్నారు. తెలుగు ప్రజల ఆలయ వారసత్వానికి, ఆధ్యాత్మిక సాంప్రదాయాలకు భక్తి టీవీ కోటి దీపోత్సవం ప్రతిరూపమని మోడీ పేర్కొన్నారు.

ఆధ్యాత్మిక సాంప్రదాయాలను ప్రజలకు విస్తృతంగా చేరవేయడంలో భక్తి టీవీ, ఎన్‌టీవీ, వనిత టీవీ చేస్తున్న కృషిని ఆయన అభినందించారు.