తునిలో చిన్నారి జ్ఞానేశ్వరి 66 రోజులుగా ఆచూకీ లేదు, తల్లిదండ్రుల విజ్ఞప్తి

తునిలో చిన్నారి జ్ఞానేశ్వరి (జాను) జూన్ 6న అదృశ్యమైంది. ఆ రోజు నుంచి 66 రోజులు గడిచాయి.

తల్లి భవాని, తండ్రి గణేష్ తమ కుమార్తెను ఎవరో కిడ్నాప్ చేశారని అనుమానిస్తున్నారు. తండ్రి పలు ప్రాంతాల్లో వెతికారు. వాల్ పోస్టర్లు కూడా అతికించారు.

పోలీసులు, SDRF, NDRF, హనుమాన్ బృందాలు, యాంటీ నక్సల్ స్క్వాడ్, క్విక్ రెస్పాన్స్ టీమ్లు గాలించారు. టవర్ డంపింగ్ ద్వారా వేల సంఖ్యలో ఫోన్లను పరిశీలించారు. కానీ ఎలాంటి ఆధారాలూ లభించలేదు.

ప్రస్తుతం పోలీసులు దర్యాప్తు చేస్తున్నట్లు చెప్తున్నారు. అయితే, కేసు యాక్టివ్‌గా ఉందా లేదా క్లోజ్ చేశారా అనేది స్పష్టంగా లేదు.

చిన్నారి అదృశ్యమైన తర్వాత వారి ఇంట్లో ఉన్న కుక్క చనిపోయింది. తల్లి భవాని కొత్త కుక్క పిల్లను తెచ్చి దానికి ‘జాను’ అని పేరు పెట్టి, కుమార్తెను గుర్తుచేసుకుంటున్నారు. తన కూతుర్ని క్షేమంగా తిరిగి ఇవ్వాలని, సమాచారం ఉన్నవారు సహాయం చేయాలని విజ్ఞప్తి చేశారు.