గోదావరి పుష్కరాలు కాలుష్య రహితంగా నిర్వహిస్తాం: మంత్రి కందుల దుర్గేష్

వచ్చే ఏడాది జూన్‌లో జరగనున్న గోదావరి పుష్కరాలను కాలుష్య రహితంగా నిర్వహించడమే లక్ష్యమని పర్యాటక శాఖ మంత్రి కందుల దుర్గేష్ తెలిపారు. రాజమహేంద్రవరంలో గోదావరి పరివాహక ప్రాంతాన్ని ఆయన పరిశీలించారు.

Deputy CM పవన్ కళ్యాణ్ సోమవారం రాజమహేంద్రవరం పర్యటన చేపట్టనున్నారు. పుష్కర ఘాట్ నుండి కోట్లింగాల వరకు పడవలో ప్రయాణించి అక్కడి పరిస్థితిని పరిశీలిస్తారు. నల్లా చానళ్ల కాలుష్యం నిరోధానికి తీసుకోవాల్సిన చర్యలను కూడా ఆయన సమీక్షిస్తారు.

పుష్కరాలకు ఒక సంవత్సరం సమయం ఉన్న నేపథ్యంలో ముందస్తు ప్రణాళికలు రూపొందించడానికి అధికారులకు మంత్రి సూచనలు ఇచ్చారు. సమర్థవంతంగా పుష్కరాలు నిర్వహించడానికి ఏ చర్యలు తీసుకోవాలో దిశా నిర్దేశం చేస్తారని తెలిపారు.