గోరఖ్‌పూర్‌లో అంతర్జాతీయ క్రికెట్ స్టేడియం శంకుస్థాపన — వారణాసిలోనూ నిర్మాణం

ఉత్తర్‌ప్రదేశ్ ముఖ్యమంత్రి యోగి ఆదిత్యనాథ్ గోరఖ్‌పూర్‌లో అంతర్జాతీయ క్రికెట్ స్టేడియం శంకుస్థాపన కార్యక్రమంలో పాల్గొన్నారు. UP ప్రభుత్వం మరియు కేంద్ర పెట్రోలియం మంత్రిత్వ శాఖ సంయుక్తంగా ఈ స్టేడియం నిర్మిస్తున్నాయి.

గోరఖ్‌పూర్ స్టేడియం 46 ఎకరాల్లో నిర్మితమవుతుంది. పార్కింగ్ సదుపాయాలు, బహుళ పిచ్‌లు ఉంటాయని యోగి తెలిపారు. స్టేడియానికి ఆనుకుని 60 ఎకరాలు reserve చేశారు — అక్కడ hockey, indoor games సహా వివిధ క్రీడలకు ఒక sports complex నిర్మిస్తారు. హోటళ్లు, రెస్టారెంట్లు, market కూడా ఏర్పాటు చేస్తారని ఆయన ప్రకటించారు.

వారణాసిలో BCCI సహాయంతో మరో అంతర్జాతీయ క్రికెట్ స్టేడియం నిర్మాణం ఇప్పటికే జరుగుతోందని యోగి చెప్పారు. ప్రధాని నరేంద్ర మోదీ స్ఫూర్తితో ఈ ప్రాజెక్టు చేపట్టినట్లు ఆయన పేర్కొన్నారు.

ఐదేళ్ల క్రితం ఈ భూమి నిరుపయోగంగా పడి ఉండేదని, ఆక్రమణలకు గురయ్యేదని యోగి గుర్తు చేశారు. ఇప్పుడు ఆ భూమిని ఆక్రమణ రహితంగా చేసి యువతకు క్రీడా వేదికగా మారుస్తున్నామని ఆయన అన్నారు.

UP లో వారణాసి, గోరఖ్‌పూర్ రెండు నగరాల్లో అంతర్జాతీయ స్టేడియాలు అందుబాటులోకి వస్తే రాష్ట్రంలో క్రికెట్ మౌలిక సదుపాయాలు గణనీయంగా పెరుగుతాయి.