ఏపీలో ప్రభుత్వ పాఠశాలలు తిరిగి ప్రారంభం; విద్యార్థులకు ఉచిత పాఠ్యపుస్తకాలు

గత వేసవి సెలవులు ముగియడంతో ఏపీలో ప్రభుత్వ పాఠశాలలు తిరిగి ప్రారంభమయ్యాయి. మొదటి రోజే విద్యార్థులకు ఉచిత పుస్తకాలు, నోట్‌బుక్‌లు పంపిణీ చేశారు.

ఏలూరు జిల్లా సత్రంపాడు జిల్లా పరిషత్ ఉన్నత పాఠశాలలో 2026-27 విద్యా సంవత్సరానికి 362 మంది విద్యార్థులు ఉన్నారు. వీరిలో 40 మంది కొత్తగా చేరిన ఆరో తరగతి విద్యార్థులు. డాక్టర్ సర్వేపల్లి రాధాకృష్ణ విద్యామిత్ర కిట్ కింద పాఠ్యపుస్తకాలు, నోట్‌బుక్‌లను అందజేశారు.

పాఠశాలలో ఇంగ్లీష్ మీడియం విద్యకు ఎలాంటి ఫీజు లేదని, యూనిఫాం కూడా ఉచితంగా ఇస్తున్నామని హెచ్‌ఎం తెలిపారు. విశాలమైన తరగతి గదులు, యోగా, ఆటలు, తల్లికి వందనం పథకం అమలు చేస్తున్నామని చెప్పారు. స్వచ్ఛమైన తాగునీరు, మధ్యాహ్న భోజనం కూడా ఉచితం. ప్రతి రోజు 96 నుంచి 98 శాతం మంది విద్యార్థులు భోజనం చేస్తున్నారు.

ప్రభుత్వ పాఠశాలలు కార్పొరేట్ స్థాయి సౌకర్యాలు కల్పిస్తున్నాయని, దీంతో పేద కుటుంబాల విద్యార్థులు ప్రభుత్వ పాఠశాలల వైపు ఆకర్షితులవుతున్నారని ఉపాధ్యాయులు చెప్పారు.